Принцезата Шарлин од Монако важи за една од најубавите европски принцези и жена која зрачи со професионалност, но го има и епитетот “жена без насмевка“ со оглед на тоа што неа навистина е ретко да ја видиме како се смее.
Оваа убавица не престанува да ја следи и епитетот “најтажната принцеза“ на светот, а таа многу години досега не се огласила по повод на тие гласини сè до неодамна кога за јужноафриканскиот магазин „Huisgenoot“ немала многу причини за да се смее.
Шарлин истакнала дека имала тешка година, дека изгубила две блиски пријателки како и дека нејзиниот татко имал тешки здравствени проблеми.
#PrincessCharlène wearing a fully beaded #AtelierVersace gown with a degradé Swarovski crystal scales in the tones of blue and gold at the 70th Red Cross Gala. #VersaceCelebrities https://t.co/3RxPsl4NwR pic.twitter.com/0hzg1AaG7Y
— VERSACE (@Versace) July 27, 2018
„Луѓето брзаат со заклучоци и ги интересира зошто ретко се смеам. Некогаш тешко ми е да се насмеам. Луѓето не знаат што се случува во позадина“ - започнала таа.
„Минатата година ме докрајчи, беше многу болна за мене. Имам привилегија да живеам ваков живот, но ми недостасуваат семејството и пријателите и често сум тажна поради тоа што не можам да бидам покрај нив кога им требам“ - заклучила оваа 41-годишна принцеза.
Многумина сметаат дека нејзината континуирана тага и недостаток на ведрина е поради нејзиниот сопруг Алберт од Монако.
#PrincessCharlene attended the 16th "Nelson Mandela Annual Lecture" which was held at the Wanderers Stadium in Johannesburg on July 17.2018.https://t.co/hB8lRMrb1Z pic.twitter.com/oAc6UuNABZ
— cloudy (@alecloudy) July 18, 2018
Да ве потсетиме дека Алберт се оженил со две децении помладата Шарлин во 2011-та година по 11 години врска. Парот романсата ја започнал во 2000-та година во текот на некој пливачки натпревар во Монте Карло во кој принцезата била натпреварувачка.
Шарлин поради тој брак ја променила и својата вера во римокатоличка иако била растена како протестант, а исто така морала да се откаже и од својата спортска кариера, да го совлада францускиот јазик и локалниот дијалект на некои од жителите на Монако и да ги научи правилата на европскиот дворец.
Таа е жртва на овој брак, но и нејзиното цело семејство кое се доселило во Монако.