По нападите на Трамп, пристигна поддршка од поранешната прва дама на САД: “Не дозволувај никој да го угасне твојот сјај”
Поранешната прва дама на Америка ѝ испратила порака на Грета Тунберг во која ѝ ја искажала својата поддршка.
Активистката Грета Тунберг се најде на мета на критики од страна на претседателот на САД, Доналд Трамп, кој ѝ порачал “да се олабави и да оди во кино со пријател”.
Но, ваквите критики ги надвладеаја бројните пораки на поддршка од познатите луѓе од целиот свет, а сега пристигнала поддршка и од Мишел Обама.
.@GretaThunberg, don’t let anyone dim your light. Like the girls I’ve met in Vietnam and all over the world, you have so much to offer us all. Ignore the doubters and know that millions of people are cheering you on.
— Michelle Obama (@MichelleObama) December 13, 2019
“Грета, не дозволувај никој да го угасне твојот сјај. Како девојчињата кои ги запознав во Виетнам и во целиот свет, имаш многу да понудиш. Игнорирај ги скептичните луѓе и знај дека милиони луѓе навиваат за тебе”, напишала Мишел на својот профил на Твитер.
Многу незјини следбеници искажале поддршка со коментари дека така се однесува еден лидер и дека тој треба да ги поддржува луѓето, а не да ги “фрла во кал”. Мишел е моментално во Виетнам, каде работи со девојчиња во склоп на фондацијата Обама, пишува “Independent”.
Тунберг неодамна ја промени својата биографија на Твитер по прозивката која ѝ ја упати Трамп.
“Тинејџерка која работи на контрола на гневот. Моментално кулира и гледа добар стар филм со пријател”, напишала Грета.
Таа моментално се наоѓа на 100-то место на листата на Форбс за највлијателни жени за 2019 година, додека на првото место се најде германската канцеларка Ангела Меркел.
