Мал и редок вид на цицач, како елен, кој научниците не го виделе речиси 30 години, е фотографиран во една шума на југот на Виетнам, соопштила групата за зачувување на видови - "Global Wildlife Conservation".
Фотографиите од малото животно познато и како виетнамски глувчешки елен со сребрена боја на грбот, се направени во дивина, навела групата и додала дека тоа животно со големина на зајак не е глушец, ни елен, туку најмалиот цицач со копита.
Тие животни обично се срамежливи и осамени, делува како да одат на врвот на копитата, а имаат и крзно со сребрен сјај, навела групата.
► VIDEO: The Vietnamese mouse-deer, a deer-like species the size of a rabbit, has been rediscovered in the wild 30 years after it was feared lost to science https://t.co/4gT6cs8vln pic.twitter.com/vkD1qcEx1D
— Irish Times Video (@irishtimesvideo) November 12, 2019
Животното прв пат е опишано во 1910-та година. Во централен Виетнам до 1990-та година е видена пет пати и прогласена е за еден од најретките животински видови.
Камерите поставени во шумата во текот на пет месеци направиле 1.800 фотографии.
Lost and Found: Vietnamese Mouse-Deer Spotted After 30 Years https://t.co/yCZdv93wT0 pic.twitter.com/fRaJCxRFPT
— Geek.com (@geekdotcom) November 12, 2019