Постојат прикриени предрасуди и нетрпеливост кон етничките Албанци во Западна Европа, што не може да се потценат при одбивањето на Албанија и Северна Македонија од Советот, објави Александар Сорос на Твитер, синот на познатиот филантроп, Џорџ Сорос.
Неговата изјава, следи по негативната одлука на Европскиот совет за отпочнување преговори на двете земји со Европска Унија.
„Европа треба да се соочи со својата албанофобија!“, додаде Сорос.
There is an underlining prejudice and bigotry towards ethnic Albanians in Western Europe, which should not be underestimated in the rejection of Albania and N Macedonia at the council. Europe must confront its Albanophobia! https://t.co/5JV5yqQfT4
— Alex Soros (@AlexanderSoros) October 19, 2019
Тој на неговиот статус ја постави и реакцијата на комесарот Јоханес Хан кој пишува: „И само да биде јасно: Одговорноста за овој неуспех не е на две земји, многумина со право се надеваа на позитивна одлука. ЕУ е таа која потфрли поради внатрешните проблеми. Ова го поткопува кредибилитетот на ЕУ“.
Реакцијата на младиот Сорос, кој не ретко ја посетува Албанија и постира фотографии со премиерот Еди Рама, ја пренесува тиранската телевизија Топ канал,додавајќи дека колебливоста на Европската Унија да започне разговори за членство со Албанија и Северна Македонија била критикувана од многу истакнати европски личности.
