Кафето е омилениот напиток ширум светот и секако, неизоставен дел од будењето на многу луѓе. Иако кафето содржи разни антиоксиданси, неговите здравствени придобивки се поништуваат ако го пиете погрешно, односно доколку се консумира на празен желудник.
Кафето на празен желудник го зголемува излачувањето на хлороводородна киселина во дигестивниот систем, што е лошо кај луѓето кои боледуваат од гастритис и имаат вишок киселина. Поради високото ниво на желудочна киселина, се зголемува ризикот од појава на чиреви, хроничен гастритис, синдром на иритабилни црева и желудочен рефлукс.
Поради нарушената дигестија по консумирањето на кафе, често доаѓа до отежната апсорбција на протеини во телото, што пак резултира со надуеност, иритација и воспаление на цревата. На долг рок, нарушената дигестија го зголемува ризикот од рак на дебело црево, најчестата малигна болест на денешницата.
Пиењето на кафе делува на зголемување на нивото на кортизол, хормон на стрес. Тој ефект се зголемува ако кафето се пие на празен желудник бидејќи храната делува смирувачки на организмот и го намалува негативното влијание на кафето. Стресот и тегобите се поврзуваат со појава на тахикардија, краткотрајност на здивот...
Кофеинот од кафето го нарушува производството на серотонин, невротрансмитер одговорен за чувство на задоволство и среќа. Недостатокот на серотонин е главна причина за депресија и развој на ментални болести. Доколку го пиете кафето пред појадокот, ќе забележите нагло подобрување на расположението, но и негово нагло влошување по еден до два часа. Доколку кафето се пие повеќе пати во текот на денот, серотонинот станува зависен од надворешните услови, а не е резултат на работата на организмот.