За оваа убавица светот слушнал пред неколку години, откако се појави во спотот на светската музичка ѕвезда Џастин Бибер, а потоа се омажи за познат милионер.
Ксенија Дели (28) која неколку години е во брак со милионерот од Египет, Осама Фати Рабах Ал-Шариф (64), веќе подолго време ја интригира светската јавност.
Еден дел поради фактот дека е омажена за египетски богаташ, еден дел поради разликата во нивните години, дел поради екстравагантниот стил на живот кој го дели со Осама, а дел поради нејзината убавина.
Ксенија која бракот со Египчанецот го склопила во Грција во венчаница од Зухаира Мурада, станува сè позабележана на Инстаграм и има околу 880 илјади следбеници.
Ксенија го има она нешто, а тоа го покажа во 2015-та година кога се појави во спотот на Џастин Бибер во песната „What do you mean?“.
Ксенија позади себе има и манекенско искуство, била членка на модната агенција Elite model Managment од Лос Анџелес, а со оваа работа се занимава од Њујорк до Лондон.
А, дали Ксенија која со милионерот има ќеркичка, навистина е толку многу убава?
Нејзините фотографии од 2015-та година покажуваат дека нејзината атрактивност е реална.
