Генијалната метода на оваа мајка го освои светот: “Мојата ќерка секое утро плачеше бидејќи мора да оди на училиште, а потоа ѝ нацртав мало срце на раката и...”

Нејзината ќеркичка Елси не можела да го поднесе одвојувањето, па секое утро пред влегување во училиштето било пропратено со плач и лелеци. Мелиса решила да ја испроба методата која ја видела на Интернет и се утврдило дека тоа било полн погодок. 

Оваа досетлива мајка нацртала мали срциња на својата и на дланката на нејзината ќерка, а потоа ѝ објаснила дека срцата се всушност “магични копчиња” кои се притискаат за прегратка.

Полека, но сигурно ваквата метода започнала да дава резултати – Елси од утро во утро била сè помирна и помалку вознемирена.

“Елси отсекогаш беше анксиозна кога се разделуваше со мене и одеше на училиште. Утрово повторно се исплаши, па помислив дека немам што да изгубам. Нацртав едно срце на својата дланка, а друго на нејзината. Пешачевме до училиште, држејќи се за рака, за да се наполнат нашите срце и таа постојано прашуваше дали се наполнети. Кога дојдовме до нејзината училница, ѝ кажав дека срцата се целосно наполнети и да го притисне нејзиното кога и да ѝ недостигам, и тогаш ќе добие магична прегратка од мене. Таа влезе во училницата без солзи, со насмевка. Кога заврши со наставата, ме праша колку пати сум го притиснала магичното копче и јас ѝ одговорив 10! Се насмевна”, напишала оваа мајка на нејзиниот Фејсбук профил.

Нејзината објава веднаш станала вирална – таа била споделена над 60 илјади пати, а над 20 илјади корисници искоментирале дека успешно ја примениле истата метода.