Наталија и Петра од Свилајнац се две девојчиња кои пред 10 години (кога имаа само 4 години), станаа многу популарни поради само една реченица: “Боже, Петра!”.
Оттогаш е помината една деценија, девојчињата се веќе пораснати, но легендарната изјава и понатаму е популарна.
“Таа реченица ми го одбележа животот. Станав многу популарна, на почетокот се фотографирав со луѓе кои ме застануваа на улица”, изјавила Наталија која ја изговори токму реченицата “Боже, Петра!” и заедно со нејзината другарка стана една од најпопуларните девојчиња на Балканот.
Наталија Митровиќ на само 4 години стана позната во целиот регион, а денес е осмооделенка во локалното училиште “Јован Јовановиќ Змај”.
Многумина поради реченицата “Боже, Петра!” мислеле дека токму таа е Петра, па дури и после толку години и понатаму ја мешаат со другарка ѝ на која ѝ ја упатила реченицата.
“До ден-денес ме прашуваат дали јас сум таа “Боже, Петра”. И денес се смејат на моја сметка, но малку ми е непријатно. Кога бев помала, тоа многу ми годеше”, раскажала Петра Милошевиќ, која е соученичка со Наталија.
