Легендата на италијанскиот фудбал и на Милан, Алесандро Костакурта е импресиониран од досегашните настапи на Наполи во оваа натпреварувачка сезона, а меѓу играчите кои ги спомена беше и нашиот Елиф Елмас кој минатово лето од Фенербахче се пресели на „Сан Паоло“.
-Наполи? Филозофијата на Анчелоти носи промени. Го става противникот под притисок, тоа се виде тоа и во ЛШ, Наполи беше спектакуларен против Ливерпул, бев импресиониран. Таа вечер сите италијанските играчи сакаа да си помогнат еден на друг, а тоа е заслуга на тренерот. Карло е спој на менаџер и тактичар, благодарение на него ова се случува. Наполи ги погодува младите играчи. Мајко моја… Фабијан (Руиз) е меѓу најдобрите во Европа, сега Елмас е меѓу најинтересните млади играчи, -истакна Костакурта за италијанските медиуми.
Елмас настапи на сите мечеви за Наполи во оваа кампања, четири во Серија А (на два беше стартер) и еден во ЛШ ( против Ливерпул).