Капитенот Ѓоргиев испрати порака по елиминацијата од ЕП

За жал ние не го добивме резултатот што го очекувавме, Финците по една голема борба и пресврт дојдоа до славје од 3-2 и влез во втората фаза каде за противник во Нант ќе ја имаат селекцијата на Франција. Ние пак завршуваме едно ново поглавје, прв настап на ЕП и тоа со две победи во петте натпревари или вкупно шест бода што не е лошо за еден дебитант. меѓутоа и недоволно во случајот за нокаут рунда.

Сепак без разлика на се ова е едно добро искуство од кое може многу да се научи, а тоа се гледа и по пораката која ја испрати капитенот Никола Ѓоргиев.

- Благодариме луѓе, благодариме Македонија. Дојдовме, видовме, научивме. До следното лето, - напиша популарниот Кинг Нико на социјалните мрежи.