„Гастропаб“ бил принуден да ги затвори своите врати откако сите 26 работници дале отказ во исто време поради одмазда предизвикана од долготрајни конфликти со сопственикот.
Спектакуларниот потег се случил овој месец кога целата екипа во „The Shop“ во Трој во американската сојузна држава Њујорк дала отказно писмо на сопственикот Кевин Блодгети.
Според њујоршкиот весник „Times Union“, вработените на поранешниот шеф со креда на табла му оставиле порака дека треба да биде подобар.
Конфликтот настанал поради неколку причини, пред сè поради платата. Друштвото за исплата на плати „МyPrayrollHR“ нагло престанало да работи па банката со која соработувале автоматски ги повлекла исплатите кои веќе биле уплатени на сметка на врботените.
Според „Times Union“ фијаското некои работници ги оставило со “минимално или негативно салдо“ што предизвикало неволји.
Staff of The Shop in Troy quits en masse, @Tablehopping reports: https://t.co/Ozv1u29kGG pic.twitter.com/eJyaTrSn5k
— Times Union (@timesunion) September 9, 2019
Менаџерот Џаред Бартон веднаш после тоа реагирал и изјавил: „Навистина повторно ни покажа дека не е сподобен да работи со неколку луѓе“ - изјавил Бартон за весниците.
Мотото на ресторанот било “работете напорно и останете скромни“ - иако некои од работниците изјавиле дека шефот многу ретко се појавувал на работа во ресторанот, а живеел во стан над него.
Ситуацијата ескалирала кога неколку од вработените откриле дека платите им биле намалени и почнале да бараат нова работа. Освен тоа, и на другите вработени им ги кажале своите планови, а последниот конфликт околу платите бил клучен за работниците да дадат отказ.
„Гледав како неговото однесување се деградира до точка во која едноставно не беше присутен на работа, а кога беше, беше насилен, особено кон Џареди и Рич“ - изјавил поранешниот службеник Џош Џејмс за „Times Union“.
