Рита Ора за странските медиуми дала интервју во кое се задржала на тоа дека знае дека на сите им е интересна, а исто така истакнала дека многу ѝ се драги деновите кои ги поминува со својата мајка како и колку ѝ значи тоа што може да поразговара со принцот Хари.
„Луѓето сакаат да знаат сè за мојот приватен живот, а јас тоа некако го прифатив. Но тоа што го научив за љубовта е тоа што таа не ми е главен приоритет моментално. Не верувам ни дека ќе ми биде во скоро време“ - истакнала Рита.
Рита Ора кога сака, сака искрено и силно, а таа тоа го коментира вака:
„Не знам, сакам силно и се заљубувам силно, секогаш е тоа така. Моите фанови секогаш велат на Твитер: „Немој да се заљубиш толку многу овојпат. Пробај да бидеш поопуштена“. Јас се смеам кога зборувам за тоа затоа што знам дека тие се во право“.
Познатата 28-годишна пејачка прозборела и за своето пријателство со Хари:
„Секојпат кога ќе се видиме се изненадувам колку добро ги памети нашите разговори кои претходно сме ги правеле. Тоа ми е чудно затоа што знам со колку луѓе се познава и колку многу разговара со тие луѓе. Но, тој секогаш се смешка и навистина те слуша кога разговараш со него“.
Рита во разговорот за интервјуто исто така прозборела и за односот со нејзината мајка Вера, нагласувајќи дека и понатаму понекогаш спие со неа.
„Ја молам мајка ми секогаш да биде во куќата со мене. Кога таа е тука тоа ми е потсетник дека сум сигурна и дека нема да се чувствувам како некој да ме осудува. Секогаш ја прашувам дали сака да дојде и да преспие кај мене. Затоа што некогаш навистина се чувствувам осамено. Но, и сакам кога мајка ми ми готви храна. Сакам кога ме гали и внимава на мене, дури и сега кога сум повозрасна“ - признала Албанката.