Ако мислите дека вашиот профил изобилува со бои, размислете повторно.
Фотографиите на вашиот профил можеби се шарени и убаво уредени, но почекајте да ги видите фотографиите од кафулето “Speedos”.
Ги има околу 50 ширум светот, од Истанбул до Милано, а магазинот “Big Seven Travel” го именувал за “најинстаграмски” поради фотографиите од храната и пијалоците во прекрасни бои. “Speedos” се наоѓа на сиднејската плажа Бонди, а името го добил по австралискиот бенд и моментално има околу 44 илјади следбеници на Инстаграм.
Во кафулето можете да порачате и храна, а нивните специјалитети се јајца Бенедикт, карамелизирани банани и вегански чиа палачинки.
Доколку “фрлите око” на фотографиите на нивниот профил, ќе забележите зошто токму “Speedos” е добитник на оваа привлечна титула – шаренилото на фотографиите со сигурност ќе ве воодушеви. Познатиот магазин додал и дека во кафулето се служи најубавата храна која некогаш сте ја виделе и дека на менито се наоѓа храна во сите бои на виножитото.
Ова кафуле е омилено и помеѓу познатите личности, па така Хју Џекмен на својот профил објавил фотографија на која се гледа како пие смути во “Speedos”.
And now this .... @Speedoscafe #greenmachine pic.twitter.com/ibNPZGdTPE
— Hugh Jackman (@RealHughJackman) January 2, 2018
1. Speedos – Сиднеј, Австралија
2. EL&N – Лондон, Англија
3. Alfred Coffee – Лос Анџелес, Америка
4. Note Coffee – Ханој, Виетнам
5. Mad Pops – Бали, Индонезија
6. Pietro Nolita – Њујорк, Америка
7. Tanias Teahouse – Дубаи, Обединети Арапски Емирати
8. FIKA – Торонто, Канада
9. Kafe Utu – Сингапур, Сингапур
10. Blue Whale Cafe – Бангкок, Тајланд