Познатата плус сајз манекенка Ешли Греам пред неколку дена објави дека е бремена. Сега решила да објави и една гола фотографија од “несовршеното” женско тело за да ги поттикне сите припаднички на понежниот пол да се сакаат себеси какви и да се.
“Исто, само малку поразлично”, напишала Ешли покрај фотографијата на која е потполно гола, а во прв план се нејзините бујни облини и стриите на кожата.
Жените ја опсипале со коплименти, а многу истакнале дека таа им е голема инспирација и мотивација на патот да се прифатат себеси.
Ешли чека дете со сопругот Џастин Ервин, а со него стапила во брак без да имаат сексуални односи. Тие со целибат ја тестирале меѓусебната доверба.
По венчавката им се препуштиле на уживањата и важат за еден од најусогласените парови на светската јавна сцена.