Концептот, кој првпат се појави благодарение на Колин Чепмен од Лотус и кој беше забранет во 1983 година поради безбедност, е идентификуван како централен елемент кој ќе го подобри претекнувањето во Формула 1.
Формула 1 цели да го промени пристапот на кој се создава потисната сила и сака да се насочи кон тунели и дифузери под болидот кој ќе го создадат аеродинамичниот притисок, наместо комплицираните крила и странични елементи кои се дел од дизајнот веќе години наназад.
Николас Томбази, одговорниот на ФИА по технички прашања за едноседи, сподели неколку детали околу новиот пристап кон потисна сила.
„САКАМЕ ДА СЕ ОСИГУРАМЕ ДЕКА ЌЕ ИМ ОВОЗМОЖИ НА БОЛИДИТЕ ДА СЕ ТРКААТ И ДА СЕ СЛЕДАТ ЕДНИ СО ДРУГИ И ДА ИМАМЕ ПОВЕЌЕ ВОЗБУДЛИВИ БИТКИ. САКАМЕ ДА ИМАМЕ ПНЕВМАТИЦИ КОИ ЌЕ ИМ ОВОЗМОЖАТ НА ВОЗАЧИТЕ ДА СЕ БОРАТ БЕЗ ДА ИМА ДЕГРАДАЦИЈА ИЛИ ДА ГИ ОГРАНИЧУВААТ НА ОДРЕДЕН ПЕРИОД НА НАПАДИ.
ЌЕ БИДАТ ПОЕДНОСТАВНИ ОД МОМЕНТАЛНИТЕ БОЛИДИ БИДЕЈЌИ МНОГУ ОД МАЛИТЕ КОМПОНЕНТИ СЕ ОТСТРАНЕТИ, ОСОБЕНО ПРЕД СТРАНИЧНИТЕ ОТВОРИ, ПРЕДНИТЕ КРИЛА ЌЕ БИДАТ ПОЕДНОСТАВНИ.
ЌЕ ИМААТ ДИФУЗЕР КОЈ ЌЕ БИДЕ ПОД БОЛИДОТ ВО ВИД НА ВЕНТУРИ ТУНЕЛ. ИМА ТУНЕЛИ ПО СТРАНИЧНИТЕ ОТВОРИ СО ПОЧЕТОК ОД ПРЕДНИОТ ДЕЛ СЕ ДО ЗАДНИОТ“.
Поедноставните, можеби помазни дизајни не само што ќе имаат влијание над тоа како се создава потисната сила, но исто така ќе влијаат и кон тоа што се случува позади болидот при висока брзина.
„ПРВИОТ ДЕЛ ОД ЦЕЛИТЕ Е ДА СЕ ПОДОБРИ ОТСТРАНЕТИОТ ВОЗДУХ ОД ЧЕЛНИОТ БОЛИД, ТАКА ШТО ТОЈ ПОЗАДИ НЕГО НЕМА ДА ГУБИ ПЕРФОРМАНСИ. КАКО ПОКАЗАТЕЛ, МОМЕНТАЛНИТЕ БОЛИДИ КОИ СЕ НА РАСТОЈАНИЕ ОД 2 БОЛИДА ПОЗАДИ ЧЕЛНИОТ БОЛИД, ГУБАТ СКОРО ПОЛОВИНА ОД ПОТИСНАТА СИЛА И ПОРАДИ ТОА Е ТЕШКО ДА СЕ СЛЕДИ ОД БЛИСКУ, ШТО ПАК СОЗДАВА СИТУАЦИЈА ВО КОЈА СЕ УНИШТУВААТ ПНЕВМАТИЦИТЕ, ОД ДВЕ ПРИЧИНИ.
ЕДНА Е БИДЕЈЌИ БОЛИДОТ СЕ ЛИЗГА ПОВЕЌЕ И СЕ УНИШТУВААТ ПНЕВМАТИЦИТЕ, А ВТОРАТА Е БИДЕЈЌИ ОЧИГЛЕДНО ИМА ПОВЕЌЕ ТУРБУЛЕНЦИЈА И БАВЕН ВОЗДУХ, А ПНЕВМАТИЦИТЕ И ОСТАНАТИОТ ДЕЛ ОД БОЛИДОТ НЕ СЕ ЛАДАТ ТОЛКУ КАКО ВО НОРМАЛНИ УСЛОВИ.
СО НОВИТЕ ДИЗАЈНИ, ОД СКОРО ПОЛОВИНА ИЗГУБЕНА ПОТИСНА СИЛА, ЌЕ ГО НАМАЛИМЕ ОВОЈ ЕФЕКТ НА ОКОЛУ 5 ДО 10 ПРОЦЕНТИ ЗАГУБА.
ТАКА ШТО ЌЕ ИМА ОГРОМНА НАМАЛУВАЊЕ НА ЗАГУБЕНАТА ПОТИСНА СИЛА ЗА БОЛИДОТ КОЈ ГО СЛЕДИ ЧЕЛНИОТ“.
