Фон дер Лајен побара од земјите од ЕУ да предложат по двајца кандидати за еврокомесар – жена и маж

Макфакс

18/07/2019

12:29

850

Големина на фонт

а а а

Земјите од ЕУ да предложат по двајца кандидати за еврокомесар – жена и маж, побара новоизбраниот претседател на Европската комија, Урсула фон дер Лајен, потврди заменик претседателот на ЕК, Франс Тимерманс, кој ќе остане на истата функција и во идниот состав на ЕК.

Лајен изјави дека новата Комисија ќе има ист број еврокомесари мажи и жени. Таа настојува државите да ги предложат најдобрите кандидати и предупреди дека ќе отфрли кој било предлог доколку утврди дека не одговара на поставените обврски.

Пред околу еден месец тогашниот претседател на ЕК Жан-Клод Јункер првпат откри дека во 2014 година отфрлил шестмина кандидати за еврокомесари, а 10 кандидати предложил сам. Тој објасни дека досега тоа никому не го кажал со цел да се избегнат внатрешнополитички последици.

Јункер настојува за ограничување на бројот на еврокомесарите, што според него треба да изнесува „повеќе од 17 и помалку од 20“.



Спонзорирани линкови

Маркетинг