На летот имало 85 руски патници кои се враќале од Црна Гора и останале шокирани откако пилотот излегол од пилотската кабина и се онесвестил пред сите.
Голема драма се одвивала на летото на “Montenegro Airlines”, откако пилотот излегол од својата кабина и се онесвестил пред патниците. Во авионот имало руски туристи кои се враќале од Црна Гора, а инцидентот се случил пред слетувањето во Москва.
За среќа, копилотот ја превзел контролата над авионот и слетал на аеродромот „Калуга“ оддалечен на 190 километри од Москва.
Патниците за руските медиуми откриле дека авионот најпрвин нагло свртел кон едната страна, а потоа и кон другата. Потоа, пилотот излегол од својата кабина и паднал пред патниците и стујардесите, по што настанала паника во авионот.
Од “Montenegro Airlines” соопштија дека безбедноста на патниците и екипажот не била загрозена, а според руските медиуми, на пилотот му се слошило поради проблеми со мускулите. Откако слетале, патниците со автобуси биле пренесени до аеродромот „Домодедово“ во Москва каде што авионот требало да слета.
