Индиските власти објавиле снимка која ги прикажува последните моменти на планинари чии тела неодамна биле пронајдени на Хималаите, а се претпоставува дека настрадале во лавина.
Група од четири Британци, двајца Американци и Австралијка се обиделе да го освојат врвот Нанда Деви, кога се случила несреќата.
По нивните тела се трагало еден месец, а ги забележал хеликоптер на 3-ти јуни. Во групата првобитно биле 12, но четворица Британци успеале да ја избегнат лавината. По водичот на експедицијата, Мартин Моран, и натаму се трага.
Last visuals of the mountaineers' team near the summit on unnamed peak near the #NandaDevi east. ITBP search team of mountaineers found the memory video device at 19K ft while they were searching the area where bodies were spotted. pic.twitter.com/0BI87MEA8Y
— ITBP (@ITBP_official) July 8, 2019
Под снегот, на висина од околу 6.000 метри, пронајдена била "GoPro" камера, која ги забележала нивните последни мигови.
На снимката од речиси две минути се гледаат четворица Британци, двајца Американци, Австралијка и Индиец, како по сончевото време се искачуваат кон врвот.
"Наеднаш слушнавме бука, тогаш видеото престана. Минувале низ опасен гребен. Снегот веројатно реагирал на нивната тежина, што ја предизвикало лавината", рекол Вивек Кумар Панди од полицијата.
