Претставена во 2017 година, првата генерација на јапонскиот SUV веднаш го “покори” светот.
По две години на ред дојде освежување, а за првпат редизајнирата верзија е снимена на планинските патишта на американските Апалачи.
2020 Honda CR-V Facelift Spied For The First Time https://t.co/6eGbthAHD7 pic.twitter.com/NBw6hSTd74
— AutoRepairTech 👨🔧👩🔧🧰 (@AutoRepairTechs) July 8, 2019
Она што може да се забележи на камуфлираниот автомобил е дека CR-V доживеал само благи измени на екстериерот, на предниот и задниот дел. Во тоа спаѓаат освежената предна маска и трапезоидните двојни издувни цевки, а веројатно е променет и браникот со цел овие новитети да се вклопат во каросеријата.
Што се однесува до внатрешноста, таа не е прикажана, но не се очекуваат некои сензационални измени (ако воопшто ги има).
Не се очекуваат ниту промени под хаубата, што значи дека купувачите и понатаму ќе избираат помеѓу двете верзии, 1,5-литарски турбо-бензинец со 173 коњски сили и 220 Nm (6-брзински мануелен менувач) и 193 коњски сили и 243 Nm (CVT автоматик) и 2,4-литарски атмосферец со 184 коњски сили и 240 Nm и хибрид кој го покренува комбинација од 2,0-литарски i-VTEC бензинец и два електромотори.
Редизајнираниот CR-V ќе биде претставен кон почетокот на 2020 година.
