За мајките и татковците: Галењето влијае на развојот на мозокот на бебето
Галењето на бебето му помага во развој на неговиот мозок, особено кај оние прерано родените, покажало истражувањето објавено во магазинот „Current Biology“, кое е спроведено на 125 бебиња во „Nationwide Children’s Hospital“ во САД.
Научниците дошле до заклучок дека прегратката поттикнува посебна реакција во мозокот на бебето, која е неопходна за воспоставување на социјалните и емоционалните односи, како и за привремен развој на нервниот систем.
Со оглед на тоа што визуелниот систем на новороденчињата уште не е доволно развиен, нивниот развој многу зависи од допирот и звукот. За да видат како новороденчињата реагираат на допир, истражувачите го набљудувале нивниот мозок.
Колку бебето има повеќе допири со своите родители и блиските луѓе, толку реакциите во неговиот мозок се поизразени.
„Нежен допир, особно оној 'кожа на кожа', е само една од важните работи кои родителите можат да ги направат за своето бебе“, истакнала д-р Натали Матр, една од истражувачките.
