Мадридскиот весник „Марка“ пренесува дека управата на Реал Мадрид е одлучна да го доведе младиот талентиран Португалец, Жоао Феликс.
Феликс е на мета на најголемите европски клубови, а во трката за неговиот потпис се вклучува и Реал Мадрид. Наводно „Кралевите“ се подготвени да исплатат дури 130 милиони евра за фудбалерот на Бенфика.
Оваа бројка ја надминува и откупната клаузула на Феликс која изнесува 120 милиони евра и ја надминува понудата на Атлетико Мадрид од каде што неодамна се појавија гласини дека се подготвени да ја активираат клаузулата и да го ангажираат Феликс.
Минатата сезона Феликс постигна 15 погодоци и додаде 9 асистенции во португалското првенство, а исто така доби и повик во португалската репрезентација.
