Иранската државна новинска агенција ги објави првите фотографии за кои тврди дека се делови од срушениот американски дрон.
Амирали Хаџизадех кој се наоѓа на чело на воздухопловната дивизија при иранската Револуционерна гарда, изјави дека извлечените делови на американскиот дрон се доказ дека леталото било во иранскиот воздушен простор кога против-воздушната одбрана на Револуционерната гарда го собори.
Хаџизадех додаде дека подоцна во текот на денешниот ден ќе открие нешто повеќе околу остатоците на срушениот дрон, а слична изјава даде и Абас Аракчи, заменик шеф на иранската дипломатија.
#Iran releases first photos of debris of US #GlobalHawk #RQ4 spy drone shot down by Iranian missile over its airspace in #seaofoman. pic.twitter.com/nnEjyDX2KG
— Hamid Reza (@hamid3663) June 21, 2019
„Постои доказ за присуството на дронот во иранскиот воздушен простор“, изјави Аракчи во разговор со амбасадорот на Швајцарија во Иран, Маркус Лејтнер.
Американските власти пак тврдат дека дронот бил срушен во Оманското море и дека “RQ-4 Global Hawk” летал над Хормушкиот теснец, односно во меѓународен воздушен простор. Поради рушењето на дронот, синоќа американскиот претседател наредил воен напад на Иран, но се премислил во последен момент.
