Рускиот претседател Владимир Путин сменил двајца полициски генерали поради апсење и истражување на новинарот Иван Голунов, под обвинение за наводна трговија со дрога, која е отфрлена откако владата признала дека нема докази дека тој го извршил злосторството, пренесува "AP".
36-годишниот Голунов е уапсен пред една недела, а медиумите известиле дека е тепан и дека 12 часа му бил ускратен адвокат. Голунов тврдел дека случајот му е наместен.
Апсењето предизвикало големи протести, а министерството за внатрешни работи во вторникот ги отфрлило сите обвиненија и побарало од Путин да ги смени двајцата генерали во полицијата.
Кремљ соопштил дека се сменети шефот на одделението за борба против дрога, Јури Девјаткин и шефот на полицијата за западна Москва, Андреј Пушков.