Изгледа дека пишувањата на блогот „The Tig“ се исплателе, бидејќи токму Меган Маркл ќе биде заменик-уредник на септемвриското издание на Vogue.
Се прашувате зошто ова е голема работа?
Имено, септемвриското издание на овој престижен магазин е едно од најважните во секоја година, бидејќи ги промовира трендовите за претстојната сезона и на него се работи и по неколку месеци.
Војвотката од Саскес поради тоа накратко ќе ги занемари своите кралски должности и ќе се посвети на уредувањето на Vogue, а за ова издание ексклузивно ќе позира и ќе напише т.н. „статија со мислења“.
Меган сама ќе ја избере темата на која сака да пишува, а многумина се надеваат дека ќе се базира на наводните расправии со Кејт и нејзиниот однос со Доналд Трамп, кој во една прилика ја нарече „одвратна“.
Исто така, војвотката ќе има прилика да ги повика жените - кои, според неа, го менуваат светот, да напишат есеј на која тема сакаат, а се претпоставува дека нејзините пријателки Пријанка Чопра и Серена Вилијамс ќе бидат избрани.
Многумина претпоставуваат и дека на фотографиите за првпат ќе се појави и Арчи, нејзиниот и на Хари син, затоа, нам не ни преостанува ништо друго освен трпеливо да го почекаме излегувањето на ова возбудливо издание на британскиот Вог, под уредничка „палка“ на војвотката од Сасекс!