Најновиот флегшип на јужнокорејската компанија ќе ја има батеријата со најголем капацитет досега и можност за Superfast брзо полнење.
Според неофицијалните информации, новиот Samsung Galaxy Note 10 ќе има поддршка за 5G мрежа и батерија со капацитет од 4,300 mAh, а тоа ќе биде батеријата со најголем капацитет во еден уред на Самсунг од премиум класата.
Покрај големиот капацитет на батеријата, се споменува “Superfast Charging” технологија, иако се уште не е познато дали станува збор за ново полнење од 25W или станува збор за некое уште понапредно решение.
Од Galaxy Note 10 би требало да се очекува и нов Infinity-O екран, најверојатно со двојна селфи камера напред, каква што имавме прилика да видиме кај Galaxy S10 Plus. На задната страна најверојатно ќе бидат сместени три камери со унапреден зум кој би требало да донесе подобри резултати при фотографирање во ноќни услови.
Во зависност од пазарот, Galaxy Note 10 „под хаубата“ ќе има Snapdragon 855, односно Exynos 9820 процесор, додека уредот исто така би требало да пристигне со од 8 до 12 GB RAM меморија.
