Индија Мур е првата трансродова личност која се појавила на насловната страна на списанието „Elle“. Оваа 24 годишна актерка и модел која глуми во серијата „Pose“ за фотографирањето носела креација од модната куќа Луј Витон.
Нејзиното појавување на насловна страна на списанието претставува голем чекор напред во модата, бидејќи Индија е првата трансродова личност што се појавила во американското издание на ова списание.
Промовирањето и прифаќањето на трансродовите луѓе отсекогаш била нејзината мисија и на тоа работела низ целата своја кариера.
На само 14 години, Индија го напуштила својот дом заради своите родители и нивните трансфобии. На 15 години започнала да се занимава со моделство.
Иако била ризичен избор за модните куќи, сепак Диор и Гучи кај неа го препознале потенцијалот што го носи со себе.
For transgender model and star of @PoseOnFX @indyamoore, survival mode has always been the default. “I don’t know who I am outside of someone who’s just trying to be free and find safety for myself and for others," she told ELLE for our June issue. https://t.co/AdpUvPqviQ pic.twitter.com/uoErqHb3FV
— ELLE Magazine (US) (@ELLEmagazine) May 9, 2019
Индија се појавила и во спотот на пејачката Кети Пери за песната „Swish Swish“.
Индија е родена како момче, но според нејзините зборови таа целиот свој живот знаела дека е далеку од момче.
Наспроти тешкото детство во згрижувачкото семејство и постојаното задевање од своите врсници таа сепак се изборила да биде онаква каква што отсекогаш се чувствувала дека е.