„Најубавото девојче на светот“ стана полнолетна девојка и сега е поубава од било кога
Пред 12 години, цел свет ги гледаше фотографиите на 6-годишната Тајлен Блонду, која медиумите ја прогласија за најубавото девојче на светот.
Малата Тајлен станала модел на само четири години, а на 10 години позирала за насловна страница на Вог. Многумина тогаш се згрозиле од фотографиите и целата приказна ја нарекле сексуализирање на детето.
Денеска Тајлен го слави 18-от роденден и е успешна манекенка, иако на нејзините родители многумина им велеле дека му го уништуваат животот на детето, дозволувајќи му да живее како модел од најрано детство.
Ќерката на познатата француска телевизиска водителка, Вероника Лобри и фудбалерот Патрик Блонду, денеска слави 18-ти роденден, а фотографиите на нејзиниот Инстаграм профил покажуваат дека од најубавото девојче, станала една од најубавите жени на светот.
Иако има само 18 години, одамна живее самостојно. Освен манекенската кариера, младата Тајлен започнала сопствен бизнис со облека. На Инстаграм ја следат 3 милиони луѓе, а досега носела ревии за сите најголеми светски брендови.
