Фатална привлечност: Астро - Парови кои се најкомпатибилни во спалната соба
Помеѓу некои знаци постои неопислива енергија и неверојатна хемија, па дознајте кој знак би ви бил одличен сексуален партнер.
Темпераментниот и огнен Овен совршено одговара со Близнаците. Овните сакаат акција и предизвици, а кај Близнаците тоа никогаш не недостасува и многу лесно можат да ги возбудат и да ги доведат до лудило.
Со својата харизма и интелигенција, Близнаците секогаш ќе ги „држат“ заинтересирани Овните. Бидејќи Близнаците сакаат да експериментираат, ќе ги воодушеви подготвеноста за акција на Овните. Овој пар исто така има потенцијал за многу успешна врска.
Оганот помеѓу овие два знаци може да гo забележи и некој од страна. Тоа се две спротивности кои неверојатно се привлекуваат. Страственоста и таинственоста на Шкорпиите е она што како магнет можат да привлечат еден сензуален Бик, кој секогаш ќе сака да истражи што се крие во нивната длабочина.
Од друга страна, на Шкорпиите им е неодоливо интересна смиреноста на Биковите, па се трудат да ја освојат и да ја почувствуваат и нивната страствена страна. Хемијата која постои помеѓу овие два знаци гарантира најжешка страст.
За наизглед ладниот и воздржан Јарец, Ракот е вистинска добитка во кревет, бидејќи во сексот внесува емоции и го буди и она што е најдлабоко во Јарецот. Ракот не е секогаш страствен, но Јарецот е тој кој ќе му пружи сигурност и тогаш чувствителниот Рак ќе може да им се препушти на страстите. Нивните спротивни карактери и тоа како се привлекуваат, а многу често не се свесни колку е силна хемијата помеѓу нив.
На убавата и шармантна Вага, Лавот би ѝ приредил незаборавно доживување во креветот. Возбудата и оганот во сексот со нив би биле за паметење. Од друга страна, Вагата точно знае како и што да направи за да ја загрее страста и да му пружи секс полн со страст и романтика.
Лавот обожува внимание и задоволување, кое Вагата знае да го пружи. Во Лавот би ги пробудила и оние најубавите емоции, па нивниот однос знае за двајцата да претставува совршенство.
Рибите многу добро знаат да ја опуштат Девицата, која е многу детална и воздржана. Тие знаат да одберат тема којашто на Девицата би ѝ го одвлекла вниманието од неважните работи и би ја навеле целосно да му се препушти на сексот.
Девицата за возврат ќе сака на Рибите да им пружи апсолутно задоволство, а тие ќе бидат воодушевени од страста која ќе ја почувствуваат. Рибите имаат неверојатно богата и поинаква фантазија, на која Девицата знае како да возврати со својата енергија.
Необичната Водолија сака иновации во спалната соба, а бидејќи Стрелецот е многу иновативен, знае како добро да ја изненади со своите вештини. На Стрелецот му е многу интересно поинаквото доживување на сексот и љубовта на Водолијата, па затоа секогаш ја следи. Сексот помеѓу овие два знака секогаш е поинаков и подеднакво добар.
