Возачот на Рено, Нико Хулкенберг, е свесен дека ќе му треба “дополнителна брзина“ за да може да биде подобар од седумратниот победник на трка, Даниел Рикардо, кој ќе му биде колега годинава.
Германецот лани заврши на 7мо место во поредокот, што е најдобар резултат на крајот од сезоната за него. Иако не е загрижен за новиот колега, сепак смета дека мора да се покаже и докаже поради сопствениот морал.
„НЕ СЕ ПЛАШАМ ОД НИКОГО, ВЕРОЈАТНО ПРЕДИВИКОТ ЌЕ БИДЕ ГОЛЕМ И ЌЕ ТРЕБА ДА НАЈДАМ УШТЕ ЕДНА БРЗИНА, НО ЌЕ ВИДИМЕ ШТО ЌЕ СЕ СЛУЧИ“, ЈАСЕН Е ХУЛК.
Нико ја заврши сезоната со подобри резултати и перформанси од својот помлад колега, Карлос Саинз, кој оваа сезона ќе вози за Мекларен. Но, негов фокус не е колегата, туку напредокот на фабричката екипа на Рено.
„МИСЛАМ ДЕКА ЛУЃЕТО ОДНАДВОР СЕКОГАШ САКААТ ДА ЈА ГЛЕДААТ СПОРЕДБАТА ПОМЕЃУ ДВАЈЦА ВОЗАЧИ ВО ИСТА ЕКИПА. НО, ОНИЕ ВО ТИМОТ ТОЧНО ЗНААТ ШТО СЕ СЛУЧУВА ШТО Е ПОВАЖНО ЗА НАПРЕДОК НА ЕКИПАТА“.
Потоа Хулкенберг беше запрашан дали очекувал повеќе и посилен отпор од својот лански колега.
„НЕ БИ РЕКОЛ ДЕКА ОЧЕКУВАВ ПОВЕЌЕ, МИСЛАМ ДЕКА КАРЛОС Е ОДЛИЧЕН ВОЗАЧ, МНОГУ КОНКУРЕНТЕН И МНОГУ БРЗ. МУ ПОМОГНА МНОГУ НА РЕНО, ПОМОГНА СО РАЗВОЈОТ, ПРИДОНЕСУВАШЕ ЦЕЛО ВРЕМЕ И МИСЛАМ ДЕКА ОДЛИЧНО РАБОТЕВМЕ ЗАЕДНО“.
