Во Македонија овој декември температурите се повисоки од просечните за оваа доба од годината, а засега се забележани мали врнежи од снег претежно на планините.
Температурите овие денови веќе и се спуштија под нулата, а доколку и тоа е премногу за вас, сетете се дека во одредени делови од планетата температурата паѓа и до -50 Целзиусови степени.
На социјалната мрежа Твитер е објавено видео кое што е снимено во Јакутск, еден од најстудените градои на светот. На снимката може да се види дека и на -39 Целзиусови степени, луѓето без проблем ги извршуваат секојдневните обврски, одат на работа, ги носат своите деца на училиште, ги возат своите автомобили.
A very regular morning in Yakutsk. Many people. To kindergarten, school, work... Temp is -39C. pic.twitter.com/hxpPEoomFF
— Bolot Bochkarev (@yakutia) December 9, 2018
Инаку, Јакутск е главниот град на Република Јакутија. Според последниот попис од 2010-та година, во градот живееле 269 илјади жители. На зима, овој град е еден од најстудените градови на светот кои што имаат повеќе од 100 илјади жители.
Поради студеното време, но и пермафростот, односно мразот во самата земја, куќите во овој град се градат на бетонски темели, а за да се добие вода, мора да се копа и стотици метри во длабочина. Најголемиот дел од водата за потребите на градот се добива од реката Лена.
Инаку, јануари е најстудениот месец во Јакутската област со просечна температура од -43,2 Целзиусови степени.
