Пред последната трка за екипата на Рено, Сирил Абитебул ја искористи можноста да го пофали Карлос Саинз и неговиот придонес кон патешествието на Рено, по неговото вклучување во екипата во втората половина од 2017 година.
Саинз се приклучи на Рено како позајмица од програмата на Ред Бул, како замена за Џулион Палмер по Американското Гранд При, откако претходно го истакна своето незадоволство за непостоечки шанси со сениорската екипа на Ред Бул.
Во 2019 година, Саинз ќе му се приклучи на Ландо Норис во Мекларен, додека Даниел Рикардо ќе се пресели во Рено на двогодишен договор.
Тимскиот шеф на Рено, Сирил Абитебул, му се заблагодари на Саинз за “позитивните“ 14 месеци во екипата.
„КАКО ШТО ЗНАЕМЕ, АБУ ДАБИ ЌЕ БИДЕ ПОСЛЕДНА ТРКА ЗА КАРЛОС СО НАШИОТ ТИМ. НЕГОВИОТ ПРИДОНЕС КОН НАШЕТО ПАТЕШЕСТВИЕ ВО ПОСЛЕДНИТЕ 14 МЕСЕЦИ БЕШЕ МНОГУ ПОЗИТИВЕН И БЕСКРАЈНО СМЕ МУ БЛАГОДАРНИ ЗА НЕГОВИТЕ ПОСТИГНУВАЊА.
КАРЛОС Е ДОБАР ВО БОЛИДОТ И НАДВОР ОД НЕГО И ЗНАЧЕШЕ МНОГУ ШТО БЕШЕ ДЕЛ ОД ТИМОТ. ПО ТРКАТА ЌЕ МУ ПОСАКАМЕ УСПЕХ ВО НЕГОВАТА ИДНИНА.
ВО АБУ ДАБИ ПРИСТИГАМЕ ПО РАЗОЧАРУВАЧКИ ПЕРФОРМАНСИ ВО БРАЗИЛ, ОСОБЕНО ПО НАШИТЕ СОЛИДНИ ТРКИ ВО САД И МЕКСИКО. КАКО И СЕКОГАШ, ЌЕ СЕ ВРАТИМЕ И ЌЕ БИДЕМЕ ЦЕЛОСНО ФОКУСИРАНИ КОН НАШИТЕ ДОЛЖНОСТИ. ПОСЛЕДНАТА ТРКА Е МНОГУ ВАЖНА ЗА ЕКИПАТА.
СЕУШТЕ ИМАМЕ РАБОТА ВО АБУ ДАБИ И ОЧЕКУВАМЕ ДА ЈА ЗАВРШИМЕ СЕЗОНАТА КАКО ШТО ПОЧНАВМЕ ВО АВСТРАЛИЈА, СО ДВА КОНКУРЕНТНИ БОЛИДИ И ВО ТОП 10“, ИЗЈАВИ АБИТЕБУЛ.
Надвор од Формула 1, младиот возач на Рено, Антоан Хубер, има можност да ја освои титулата во ГП3 серијата. Младиот французин има предност од 32 поени пред тимскиот колега од АРТ Гранд При, Никита Мазепин на една трка до крајот. Абитебул вели дека освојување на таа титула е одлично постигнување за Хубер и академијата на Рено.
„ШИРУМ ЦЕЛИОТ РЕНО СПОРТ РЕЈСИНГ, ИМАМЕ МЛАДИ ВОЗАЧИ КОИ ПОВТОРНО СЕ ТРКААТ ПО ПАУЗАТА. ЌЕ ВНИМАВАМЕ НА ГП3 СЕРИЈАТА, ОСОБЕНО БИДЕЈЌИ АНТОАН ХУБЕР ЦЕЛИ КОН ОСВОЈУВАЊЕ НА ТИТУЛАТА. ТОА ЌЕ БИДЕ ОДЛИЧЕН УСПЕХ ЗА НЕГО И ЗА НАШАТА ПРОГРАМА ЗА МЛАДИ ВОЗАЧИ“, ДОДАДЕ АБИТЕБУЛ.
