Оскаровката признала: "Имам направено пластични операции и сега жалам поради тоа"

80-годишната актерка и активистка, која е позната и како љубител на фитнесот, неодамна признала дека направила одредени пластични операции. Оскаровката истакнала дека тоа го направила со цел да го ублажи својот уморен изглед. 

"Драго ми е што изгледам добро за своите години, но имам направено пластични операции. Нема да лажам. Ми здодеа да изгледам како постојано да сум уморна, дури и кога не сум", изјавила таа.

Сепак, Фонда напоменала дека не е горда што го коригирала своето лице на овој начин.

"Од една страна го мразам фактот што сакав физички да се променам за да се чувствувам добро. Би сакала да не е така. Сакам постари лица, лица кои се "живи". Го сакам лицето на Ванеса Редгрејв, би сакала да бидам похрабра, но не сум".

Џејн и во осумдесеттите години од животот е посветена на вежбањето, но сега бира нешто помалку напорни тренинзи како пилатес.