Рускиот претседател, Владимир Путин изјави дека Русија идентификувала двајца мажи, осомничени дека го отруле поранешниот руски двоен агент, Сергеј Скрипал и неговата ќерка.
Случајот со труењето ги заостри односите на Русија со Велика Британија, а потоа и со останатите членки на НАТО кои ја поддржаа Британија и ја осудија Русија, која што официјален Лондон ја наоѓа одговорна за нападот.
Билансот на дипломатската војна е повлекување на амбасадори од Русија, но и контра мерки од Москва.
Сергеј Скрипал и неговата ќерка Јулија беа пронајдени без свест на клупа во англискиот град Солзбери, а анализите од истрагата утврдија дека поранешниот руски агент и неговата ќерка биле отруени со нервен агенс новичок, кој, како што е наведено во извештајот, бил произведен во Русија.
Официјална Москва ги негираше обвинувањата и понуди помош во истрагата.
BREAKING: President Vladimir Putin says Russia has identified the two men suspected of poisoning a former Russian spy in Britain.
— The Associated Press (@AP) September 12, 2018