Агентот на Рикардо Монтоливо тврди дека неговиот клиент е подобар играч за врска од ѕвездата на Челси.
Џовани Бранкини, агентот на фудбалерот на Милан, во изјава за „Кориере Дело Спорт“, порача дека Монтоливо е подобар од Жоргињо и ја изнасмеа цела Италија.
„Ако мора Жоргињо да игра во репрезентацијата, тогаш можам да кажам дека мојот Монтоливо, кој што има скандалозен пад на формата, е многу подобар играч од него“, изјави Бранкини.
33-годишниот играч за врска на Милан нема настапено во дресот на италијанската репрезентација од 2017-та година, додека пак Жоргињо кој што ова лето се пресели од Наполи во Челси се смета за иднината на „Аѕурите“.