Со фотографии од Хитлер и Мусолини, екстремистите бараат ревизија на границите.
Десетина неонацисти и ултра националисти во неделата марширале во центарот на Софија во протест по повод годишнината од воспоставување на комунистичката власт во Бугарија. Тие минале низ центарот на градот, се до споменикот на жртвите на комунизмот.
Обраќајки се до јавноста, лидерот на "Националниот отпор", Благовест Асенов, рекол дека Бугарија мора да се врати во бугарски раце и во рацете на бугарските националисти.
Насобраните носеле маици со ликот на Адолф Хитлер како и голем транспарент со фотографија од Бенито Мусолини, како и и познати бугарски лидери од периодот на сојузништвото со нацистичка Германија.
На маршот имало и бугарско знаме од почетокот на колоната на кое пишувало: "Сите Бугари заедно - Босилеград". Со ова насобраните директно повикале на распарчување на Србија, бидејќи Босилеград е општина во Србија.
Бугарските ултранационалисти бараат ревизија на границите и воспоставување на Голема Бугарија во која влегле големи делови од Грција, Србија, Турција, Романија и цела Македонија.
Општините Босилеград и Димитровград се припоени кон Србија по Првата светска војна, како оштета по пустошењето и злосторствата кои ги извршила Бугарија во Втората балканска и Првата светска војна.
