Возач на комбе намерно удрил во зградата на телевизијата "Fox" во Далас, а причината е наводниот бес поради пукањето во кое учествувала полицијата.
Возачот удирајќи во зградата "излегол од комбето и почнал да вриска", пренесува агенцијата "Reuters".
Полицијата го притворила возачот, а единицата за деминирање на експлозив отишла на местото на инцидентот бидејќи возачот оставил сомнителна торба.
Повеќето луѓе биле евакуирани од зградата на телевизијата, иако неколку од нив останале да ги емитуваат вестите, од, како што е соопштено, безбедно место.
Возачот со себе имал и неколку кутии полни хартиени летоци кои се разлетале околу зградата на телевизијата.
Инцидентот предизвикал голема загриженост во градот, па на улицата се нашле голем број на полицајци и преземени биле бројни мерки за обезбедување. Сообраќајот во близина бил сопрен.
This was the man who smashed his truck into our station this morning..throwing papers around while yelling "high treason". @FOX4 pic.twitter.com/k7PsosDQIk
— Brandon Todd (@BrandonToddFOX4) September 5, 2018