Поради овој костим ѝ порачаа дека отишла предалеку, а сега се појави на US Open во уште поконтроверзно издание

"Сметам дека понекогаш одиме навистина предалеку. Ваквите случаеви повеќе нема да се прифаќаат. Играчите мора да ја почитуваат играта и местото на кое играат", рекол Гидисели во интервју за "Tennis Magazine", најавувајќи дека Роланд Гарос ќе воведе и службен дрес код. 

Имено, славната тенисерка се појави на натпревар во црн комбинезон инспириран од жена мачка, а таа истакна дека тој костим ѝ е неопходен поради циркулацијата на крвта со оглед на тоа дека после породувањето имаше згрутчена крв.

"Ова е за сите мајки кои имале тешка бременост и кои мора да поминат низ сè за повторно да имаат верба во себе. Тоа го претставува мојата облека", рече Серена.

Серена сега повторно е во акција, синоќа стартуваше и на US Open, а пред домашната публика извојува победа над Магда од Полска. Овој пат се појави во необична опрема, играше во мрежести хулахопки и кратко здолниште, кое повеќе потсетува на балетско отколку на спортско.

Таа ѝ се обрати и на јавноста пред натпреварот, истакнувајќи дека лично разговарала со Гидисели, инсистирајќи на тоа дека не е лута и дека тој е сјајна личност.

"Со него е лесно да се зборува. Речиси цел мој тим е составен од Французи, така што имаме одличен однос. Сигурна сум дека тој ќе има разбирање и дека сè ќе биде во ред. Очигледно е дека Грен Слем турнирите имаат право да прават што сакаат. Имам чувство дека нема причини зошто да не бидат "OK" со нешто што е направено поради здравствени причини", нагласи 36 годишната Серена.