Еден ден после свадбата, поранешниот сопруг на Белучи пее под прозор...
Додека во светот сѐ уште одекнува веста дека Винсент Касел се венчал со манекенката Тина Канакеј, се појави и една интересна видео снимка, на која се гледа како се однесувал младоженецот утрото по свадбата.
Во едно интервју, на почетокот на месецот, Касел рекол дека "љубовта не е секогаш фер".
Можеби така најдобро им опишал и одговорил на сите кои со денови дебатираат за тоа како таа е ангел, бомба, а "видете го него".
Сепак, видео записот кој се појавил, го покажува сиот негов раскошен шарм, спонтаност и животна радост и објаснува како и зошто дури и пред младата манекенка, на него "паднала" една од најубавите жени во светот, заносната и неповторливата Моника Белучи.
"Имам 52 години и ќе се оженам со 20-годишна девојка. Многу сум заљубен и сигурен сум дека ќе имаме деца", изјавил актерот за странските медиуми.
Касел и неговата избраничка се венчаа во Бидар, во Франција. Младенците после венчавката се бакнале пред зградата, па затоа актерот на Инстаграм објавил фотографија со натпис "Да".
