Момчето осомничено за пукање на турнирот во видео-игри во американскиот град Џексонвил е 24-годишниот Дејвид Кац.
Кац и самиот учествувал на турнирот, а наводно по испаѓањето од натпреварувањето тргнал во својот одмазднички поход, во текот на кој убил две лица, а потоа извршил и самоубиство. Според изјавата на еден од учесниците на турнирот, Кац бил лут што поразен го напуштил турнирот - инаку станува збор за успешен играч на спортската игра NFL Madden - па својот бес одлучил да го истури на другите играчи.
Полицијата засега тврди дека мотивот за нападот е непознат, а за Кац е познато дека доаѓа од Балтимор и дека бил многу познат во гејмерските кругови по името "Бред". Бил повлечено момче, а неговите противници на турнирот за него немале премногу зборови - се затворал во себе и не стекнувал пријатели.
"I was actually one of the people that beat him..."
— Ryan Nelson (@RyanNelsonTV) August 27, 2018
GAMER and WITNESS talks about suspected #TheLandingMassShooting shooter David Katz. Says he was acting 'weird' all weekend. #BREAKING #Jacksonville #JacksonvilleLanding #JacksonvilleLandingShooting @ActionNewsJax @WOKVNews pic.twitter.com/7ZwqKbMzGM
"Дејвид Кац чува се во себе. Тука е да работи, а не да создава пријатели. Не можете од него да очекувате да се отвори за било што, тоа е како да му вадите заби", рекол еден навивач на турнирот пред трагичниот настан.
Момчето кое изгубило од Кац, сведочело дека ни по победата не покажал никакви емоции.
VIDEO of 24-year-old David Katz, the Baltimore gamer believed to have been the shooter at the Jacksonville Landing. Sheriff says he killed himself. Listen to how announcers describe him. pic.twitter.com/YkiAokUBHg
— Vic Micolucci (@VicMicolucci) August 27, 2018
"Му подадов рака и му кажав дека игра добро. Но, само ме погледна, не кажа ништо". Според податоците од судскиот регистар во Балтимор, се тврди дека момчето имало "големи здравствени проблеми и потреби за медицинска нега".
Соседите велат дека Кац биле скромно семејство, кое не се издвојувало од другите. "Не можам ништо посебно да кажам за нив. Не постои ниедна причина да кажам дека ми беа сомнителни. Живеевме тука со години, но никогаш не комунициравме", рекол еден од нив.