Фудбалерите на Челси вчера славеа тешка победа на гостувањето против Њукасл во последните минути од натпреварот.
Челси славеше со 1:2 на гостувањето кај Њукасл, а тренерот на лондонскиот клуб изјави дека е изненаден од дефанзивниот пристап на екипата на Рафаел Бенитез.
„Никогаш не сум видел некој од тимовите на Рафаел Бенитез да игра со пет дефанзивци. Беше многу тешко да се игра и тоа важи за сите клубови кои што гостуваат кај Њукасл“, изјави Маурицио Сари и додаде:
„Натпреварот беше многу тежок, имавме голем проблем да дојдеме до отворен простор. Њукасл дури и некоректно го израмни резултатот“, изјави Маурицио Сари.
