Кофи Анан, поранешниот генерален секретар на Обединетите Нации и добитник на Нобелова награда за мир, почина во својата 80-та година, потврдуваат од ОН.
Анан, кој е со потекло од Гана, починал во болница во Берн, по кратко боледување.
"Денеска жалиме за загубата на големиот човек, лидер и визионер", пишува на официјалниот Твитер профил на Агенцијата за миграција на ОН.
It is with immense sadness that the Annan family and the Kofi Annan Foundation announce that Kofi Annan, former Secretary General of the United Nations and Nobel Peace Laureate, passed away peacefully on Saturday 18th August after a short illness... pic.twitter.com/42nGOxmcPZ
— Kofi Annan (@KofiAnnan) August 18, 2018
Тие наведуваат дека "живеел добар живот, живот вреден за славење".
Анан, кој е роден во 1938 година беше седмиот секретар на Обединетите Нации од 1997 до 2006 година. Беше член и на "The Elders", група на глобални лидери која се занимава со човекови права од нејзиното основање во 2007 година. Тој во 2013, стана нејзин претседател.
Анан е добитник на Нобелова награда за мир, заедно со Обединетите Нации во 2001 година поради "подоброто организирање и помирниот свет".
Тој завршил на Институтот за напредни меѓународни студии во Женева. Бил функционер на Светската здравствена организација и помошник генерален секретар за мировни операции на ОН во Босна и Херцеговина.