Роденденската екстензија на Кајли Џенер вреди вистинско богатство
Пред околу еден месец, магазинот "Forbes" најави дека Кајли Џенер е на добар пат да стане најмладата самоостварена милијардерка во историјата.
Затоа, не е изненадувачки тоа што модната убавица не штедела за прославата на својот 21-ви роденден. Освен што носеше боди, покриено со 70 илјади кристали од "Swarovski", и нејзиниот долг коњски реп чини колку едно мало богатство.
Фризерката која била одговорна за нејзиниот роденденски изглед, Виолета Терити, во интервјуто за "Refinery29", открила дека за екстензијата на Кајли, искористила 400 грама словенечка коса, од Русија и за тоа ѝ наплатила 8.000 долари.
Да, добро прочитавте, коњскиот реп на Кајли вреди околу 33 македонски просечни плати, а фризерката во интервјуто објаснила и зошто овие екстензии се толку скапи.
"Словенечката коса е исклучително ценета, бидејќи не треба да се избелува и да се преработува", објаснила Терити.
Но, Кајли не е единствена од семејството која не штеди на својата коса. Ким и Клои Кардашијан исто така се редовни клиенти на Виолета, па ако сте забележале дека сестрите имаат иста коса, тоа не е само затоа што се сестри.
