Понекогаш е тешко да знаете што мисли другата личност, но постојат знаци кои ќе ви дадат до знаење дека вашиот партнер планира сериозна и долга врска.
Двајцата сакате живот во ист град, сакате да ги посетите истите држави и имате иста идеја за основање или неосновање на семејство. Нормално дека не мора да сакате исти ситници, меѓутоа, важно е низ животот да одите во ист правец.
Ја почитувате меѓусебната приватност и ги препознавате потребите на партнерот. Јасно ви е како треба да реагирате во одредени ситуации и знаете кога треба да делувате, а кога да го оставите партнерот сам да го реши својот проблем.
Ако сте си помогнале еден на друг во тешки ситуации, тоа сигурно дополнително ве зближило и ја стабилизирало вашата врска, бидејќи сте успеале да ги пребродите потешкотиите кои ви се нашле на патот.
Физичката привлечност е важна, но не најважна. Затоа, важно е да знаете дека вашиот партнер првенствено ви одговара ментално. Меѓутоа, сексот игра голема улога во љубовната врска, па затоа воопшто не е лошо ако вашиот партнер и покрај долгата врска, успее да ве остави без здив.
Ниедна врска не е совршена. Меѓутоа, вие и после расправијата, знаете како да се смирите и брзо да го решите проблемот поради кој сте се скарале.
Постојано се поттикнувате еден со друг и вие сте првите кои ќе му пружат рака на партнерот кога тоа му е потребно.
Седите на балкон, гледате во далечина и не разговарате за ништо, туку само уживате во моментот. Иако звучи едноставно, сепак тишината многу често знае да створи непријатност, што укажува на тоа дека не ви е пријатно да седите насамо со таа личност.
Еден на друг сте си најдобри пријатели и можете да си кажете сѐ, без никакви осудувања.
Немате потреба да му пребарувате на партнерот во мобилниот телефон и непрестајно да му ѕвоните, за да проверите каде се наоѓа. Му верувате на зборот и се чувствувате спокојно дури и кога нема да се слушнете подолго време.