Овие симболични 2018 дронови го запишаа „Интел“ во Гинисовата книга на рекорди во категоријата „најмногу беспилотни летала во воздух во ист момент“.
Огнометот може да замине во историјата затоа што на небото дроновите се новите кралеви на забавата. Дури 2018 дронови истовремено летаа во една комплицирана кореографија која што го одбележа јубилејот 50 години од основањето на „Интел“.
Во различни анимирани облици и менување на боите над седиштето на „Интел“, дроновите демонстрираа нешто што огнометот не го може, а истовремено беа и далеку потивки.
“Shooting Star” дроновите на „Интел“ веќе се добро познати на јавноста. Тие „настапуваа“ и во Лас Вегас, на американскиот „Супер Боул“, како и на отворањето на Зимските олимписки игри.
Како изгледаше поставувањето на новиот Гинисов рекорд и прославата на „Интел“, можете да погледнете на видеото подолу.
