Гламурозниот фустан на Џенифер Лопез не остава многу простор за фантазија
На гала вечерта на списанието “Time” по повод листата на 100 највлијателни личности на светот, сите погледи биле вперени кон пејачката Џенифер Лопез.
Списанието ја сместило 48-годишната пејачка на својот овогодишен попис бидејќи таа е првата латино актерка која заработила повеќе од еден милион долари за улога во филм и е првата жена која имала најпродаван албум и најпродаван сингл во иста недела.
Џеј Ло заблескала и на една од шесте специјални насловни страници на списанието во секси фустан со перја, а таа вчеравечер го подигнала својот сексапил на едно повисоко ниво.
Во раскошен фустан на Зухаир Мурад со златни детали во облик на листови, Лопез го покажала своето бујно деколте, но и совршено извајаните нозе. На нозете носела златни сандали со платформа кои одлично ѝ ласкале на нејзиниот бронзен тен.
Косата ја носела во високо коњско репче кое веќе стана нејзин заштитен знак, а таа уште еднаш успеала да нè засени со својата безвременска убавина.
