Последните три години од животот, Мерин Крофтс ги поминала во болнички кревет и во тешки болки. Починала десет дена пред својот 21-ви роденден, а во тој момент таа имала само 38 килограми.
Официјалната причина за нејзината смрт е мијалгичен енцефаломиелитис (МЕ) или синдром на хроничен замор. Наспроти фактот што голем број на лица боледуваат од овој синдром, голем број на експерти не го сметаат за болест. Сепак, постојат проценки дека 17 милиони луѓе на светот страдаат од МЕ.
Првиот знак дека нешто не е во ред се појавил кога Мерин имала 15 години. Тогаш започнале да ѝ отекуваат лицето, рацете и стапалата. Докторите најпрвин мислеле дека има инфекција и ѝ препишале антибиотици, а потоа почнале и несвестиците.
ME/CFS - Merryn Crofts had suffered from severe myalgic encephalomyelitis - known as ME https://t.co/xcUXjmlhBD pic.twitter.com/tXdUrbctUQ
— Byron Calloway (@ByronCalloway1) April 2, 2018
“Беше полна со живот и енергија. Но, потоа почна да се враќа од училиште и само знаеше да се фрли на каучот и да спие во наредните шест часа. Тоа изгледаше како некој да ѝ ги извадил батериите. Потоа, започна да се случува сè почесто и почесто”, изјавила нејзината мајка.
Со текот на времето нејзината состојба се влошувала, а Мерин поминала низ неколку тестирања на менталното здравје бидејќи докторите мислеле дека нејзината состојба можеби е на нервна база. Хистеријата била една од опциите.
Сепак, нејзината мајка сама ги истражувала симптомите кои ги имала нејзината ќерка и открила дека тоа би можело да биде МЕ. Тоа сознание, како што вели таа, “ја преплашило до смрт”. Докторите имале сомнежи, а еден од нив дури ѝ рекол дека не верува во таа болест – реакција со која се среќаваат многу пациенти со МЕ, иако истата е признаена од страна на Светската здравствена организација.
#SackEstherMcVeyAgain Daughter died aged 21 after illness some experts don't believe is real left her bed-bound and wasting away
— SackEstherMcVeyAgain (@sackestheragain) April 2, 2018
Merryn Crofts weighed less than 6st when she died 10 days after her 21st birthdayhttps://t.co/mCfg4DIyhR @BENEFITS_NEWS @MrsMcLordy @ariyana69 pic.twitter.com/7QLOCyY9Xa
Потврдата дека боледува од МЕ, Мерин ја добила од приватен лекар. Неколку месеци подоцна, таа завршила во болнички кревет.
“Месеци и месеци во болница. Чести инфекции. Проблеми со дишењето. Лош имунитет. Парализа. Хиперсензитивност. Листата е многу долга. Да се има МЕ е како секојдневно да сте заробени во своето тело. Нема одмор, постојано сте врзани за креветот”, вели Клер, објаснувајќи низ што сè поминала нејзината ќерка.
Токму поради ваквите маки, таа одлучила да ѝ ја исполни желбата на својата ќерка и да ја подигне свеста за оваа малку позната болест.
“Мерин сакаше да ја подигне свеста за МЕ, луѓето да ја знаат и да ја сфатат оваа болест. Најчесто кога ја прашуваа, таа одговараше дека има невроимуна болест. Тоа е поради фактот што сè уште постои стигма околу овој синдром и има многу погрешни информации. Тоа мора да се промени”, заклучува Клер.