Интервју со Џиjан Емин: Сè уште сум на прва борбена линија

Точка

21/11/2017

15:14

2.764

Големина на фонт

а а а

"Би препорачал на публиката да се опушти и да ужива во она што сме го подготвиле за нив со надеж дека ќе им се допадне. Ве чекаме на Neuland Sensorium", порачува Џијан Емин.

Точка: На 25-ти ноември ќе се одржи несекојдневниот Neuland Sensorium настан во Мала Станица, каде македонската публика ќе има чест да ужива, покрај другите уникатни доживувања и во вашата музика. Како вие ја доживувате музиката? 

Џијан Емин: Пред некој ден констатирав дека всушност ова е мој прв солистички настап во Македонија. Драго ми е што се случува на вакво високо ниво, со голем оркестар и врвна техничка продукција, како дел од проектот Neuland во Македонија. Музиката секогаш ја доживувам различно во зависност од самата музика и она што таа го кажува, дали носи некаква порака, дали има суштина и живот во идејата.


Секако уште многу други фактори и аспекти одлучуваат за тоа како ќе доживеам одредена музика. Покрај тоа што сум професионален музичар цел живот, се уште можам да слушам музика како обичен слушател и тоа е за мене голема среќа, бидејќи успевам да се радувам на добра музика и да се препуштам на чувствата и енергијата кои таа ги носи. Сакам да кажам дека едноставно се уште можам да си дозволам да уживам во музика, музика која истовремено можам да ја чувствувам, вкусам и слушнам, а токму тоа ќе се обидеме и да го направиме и за сите гости на Neuland Sensorium оваа сабота.

Точка: Neuland платформата ве препознава како џин за звук во Македонија и пошироко. Како го доживувате предизвикот да се спојат вкусови, форми, визуелни и звучни искуства во нешто досега невидено, непознато? 

Џијан Емин: Секој уметник кој се стреми да биде голем, презема храбри чекори и одговора на предизвиците во уметноста, кои се круцијални за добивање нови форми, нов израз, нови начини кои носат воспоставување нови медиуми, т.е. нови начини на споделување на уметноста. Тоа на некој начин ќе го добиеме на претстојната мултисензорна „изложба“ Neuland Sensorium на 25ти ноември во Мала Станица. Правејќи кратка ретроспектива во однос на моето делување како музичар, драго ми е што се уште сум присутен со постојана желба за откривање нови работи, #UpForTheUnknown. Или да цитирам еден мој пријател кој вели за мене дека се уште сум „на прва борбена линија’“.


Точка: Сите со нетрпение го очекуваме 25-ти, кога за време на настанот Neuland Sensorium на публиката ќе и понудите посебна проекција на музиката. Што може да очекуваме?  

Џијан Емин: Гледам дека публиката се уште не е сосема свесна што може да очекува на Neuland Sensorium во Мала Станица. Мислам дека не треба да имаме очекување, едноставно треба храбро да зачекориме и уживаме во оваа несекојдневна музичка и визуелна експресија. Со задоволство ве очекувам на Neuland Sensorium, заедно да зачекориме на патот на непознатото.



Спонзорирани линкови

Маркетинг